Sida ay sheegayaan wararka qof isku soo xiray waxyaabaha qarxa ayaa la sheegay inuu isku qarxiyay xerada Damaanyo ee Magaalada Muqdisho, waxaana xerada ka socotay diiwan gelinta ciidamo cusub oo ku biiraya ciidamada xoogga dalka.
Wararka hordhaca ah ayaa sheegaya in qaraxu uu sababay dhimasho iyo dhaawac badan, iyadoona laba mooto bajaaj ah lagu qaaday dad dhaawac ah oo si degdeg ah loogu qaaday xarumaha caafimaadka. Waxaa qaraxan uu ahaa mid si gaar ah loo bartilmaameedsaday goobta lagu diiwaangelinayay dhalinyaro ka mid noqonaysa ciidamada.
Goobta ayaa la xiray, waxaana halkaas ku sugan ciidamada ammaanka, kuwaas oo baaraya halka uu qaraxu ka dhacay, iyadoo cabsi laga qabo qaraxyo kale.
Saraakiisha Dowladda Soomaaliya ma aysan bixin wax faahfaahin ah oo ku saabsan qaraxa ismiidaaminta ah ee lala eegtay ciidamo ka tirsan Dowladda Federaalka
Sanadkii 2023 ayaa sidan oo kale loo qarxiyay xerada Damaanyo, xili ay diiwaan gelinayeen dhalin yaro badan, markaasi ku biiraysay ciidamada dowaldda Soomaaliya.
